Xəbərlər

Gəncə Dövlət Universitetində 2 fevral – Gənclər Günü münasibəti ilə təşkil olunan tədbirdə iştirak etdik.

Azərbaycan Respublikasının Dövlət Himninin səsləndirilməsi ilə başlayan tədbirdə şəhidlərimizin xatirəsi bir dəqiqəlik sükutla yad edilib.

Daha sonra gənclərə həsr edilən videoçarx nümayiş olunub.

Universitetin Humanitar məsələlər üzrə prorektoru Gülsüm Fətəliyeva çıxış edərək ölkəmizdə Gənclər Gününün qeyd edilməsinin tarixindən, gənclərin aparıcı qüvvə kimi formalaşmasında dövlət gənclər siyasətinin əhəmiyyətindən danışıb. Bildirib ki, məhz Ümummilli Lider Heydər Əliyevin müdrikliyi və uzaqgörən siyasəti sayəsində gənclərin sosial, iqtisadi, təhsil və digər problemlərinin həllinə yönəlmiş fərman və sərəncamlar, dövlət proqramları qəbul edilib. Əsası Ulu Öndər Heydər Əliyev tərəfindən qoyulan gənclər siyasəti bu gün Azərbaycan Respublikasının Prezidenti Cənab İlham Əliyev tərəfindən uğurla davam etdirilir. Azərbaycan gəncliyi ölkənin iqtisadi və intellektual gücünün aparıcı qüvvəsidir.

GDU Həmkarlar İttifaqı Komitəsinin sədri Afaq Qasımova çıxışında bildirib ki, bu gün Azərbaycan gəncliyi ictimai həyatın bütün sferalarında aktiv fəaliyyəti ilə seçilir və siyasi, iqtisadi, humanitar, sosial tədbirlərin həyata keçirilməsində mühüm rol oynayır. Dövlət gənclər siyasəti gənc nəslin mənəviyyatca zəngin, vətənpərvərlik ruhunda tərbiyəsi, hərtərəfli inkişafı və ölkə həyatında fəal iştirakı üçün mühüm zəmin yaradır.

GDU Azad Tələbə Həmkarlar İttifaqı Komitəsinin sədri Pərviz Adıgözəlov vurğulayıb ki, Prezident İlham Əliyev tərəfindən gənclər siyasətinin uğurla davam etdirilməsi gənclərdə böyük ruh yüksəkliyi və işıqlı sabahımıza dərin inam yaradır.

Tədbirdə təhsildə və ictimai işlərdə fərqlənən GDU-nun bir qrup tələbəsinə Fəxri fərman təqdim edilib.

Tələbələr onlara göstərilən diqqətə görə Gəncə Dövlət Universitetinin rektoru Yusif Yusibova minnətdarlıqlarını bildiriblər.

Mətbuat və ictimaiyyətlə əlaqələr xidməti

20 Yanvar – Ümumxalq Hüzn Gününün 36-cı ildönümü ilə əlaqədar GDU-nun rəhbərliyi və kollektivi Gəncə Şəhidlər Xiyabanını ziyarət edib

20 Yanvar hadisələrindən 36 il keçir. Bu tarix Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olub, milli müstəqillik, azadlıq uğrunda mübarizəsinin və yenilməz iradəsinin rəmzinə çevrilib.

1990-cı il yanvar ayının 19-dan 20-ə keçən gecə Sovet Ordusunun böyük heyətinin, xüsusi təyinatlı bölmələrin və daxili qoşunların Bakıya yeridilməsi xüsusi qəddarlıq və görünməmiş vəhşiliklə müşayiət edildi. Qoşunların qanunsuz yeridilməsi nəticəsində Bakıda və ətraf rayonlarında faciə zamanı 147 insan öldürüldü, 744-ü ağır xəsarət aldı, 841 nəfər isə qanunsuz olaraq həbs edildi.O zaman yalnız Ümummilli Lider Heydər Əliyev siyasi iradə nümayiş etdirərək Moskvadakı Azərbaycan nümayəndəliyinə gələrək və SSRİ rəhbərliyinin törətdiyi bu cinayəti qətiyyətlə ittiham edərək kəskin bəyanatla çıxış etmişdir. 1994-cü il martın 29-da ümummilli lider Heydər Əliyevin təşəbbüsü ilə 20 Yanvar faciəsinə ali qanunvericilik orqanı – Milli Məclis səviyyəsində ilk dəfə hüquqi-siyasi qiymət verilib.

20 Yanvar hadisəsindən on illər keçsə də, xalqımız o qanlı gecəni daim xatırlayır və şəhidləri dərin ehtiramla yad edir. Respublikanın hər yerində olduğu kimi Gəncədə də Azərbaycanın müstəqilliyi və suverenliyi uğrunda həlak olan 20 Yanvar şəhidlərinin xatirəsi ehtiramla yad olunub. Gəncə Dövlət Universitetinin rektoru Yusif Yusibov, ali məktəbin professor-müəllim heyəti və tələbələr Gəncə Şəhər İcra Hakimiyyətinin başçısı Niyazi Bayramov və ictimaiyyət nümayəndələri ilə birgə 20 Yanvar – Ümumxalq Hüzn Gününün 36-cı ildönümü ilə əlaqədar olaraq anım mərasimində iştirak edib. Gəncə şəhər Şəhidlər Xiyabanı ziyarət olunub, şəhidlərin məzarı önünə gül dəstələri düzülüb. Şəhidlərin əziz xatirəsi dərin ehtiramla anılıb. #ETİHİ #GDUHİK #AHİK #20YANVAR #ŞƏHİDLƏR

Gəncə Dövlət Universitetində 20 Yanvar faciəsi qurbanlarının xatirəsi anılıb.

Azərbaycan Respublikasının Dövlət Himninin səsləndirilməsi ilə başlayan tədbirdə torpaqlarımızın bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Daha sonra 20 Yanvar hadisələrinə həsr olunan videoçarx nümayiş olunub.

Humanitar məsələlər üzrə prorektor Gülsüm Fətəliyeva çıxış edərək 1990-cı ildə keçmiş SSRİ rəhbərliyinin göstərişi ilə sovet hərbi birləşmələrinin xalqımızın iradəsini sındırmaq üçün törətdiyi qanlı terrordan danışıb.

GDU-nun Elm və İnnovasiyalar üzrə prorektoru, millət vəkili Pərvin Kərimzadə çıxışında vurğulayıb ki, Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq mərhələsi kimi yazılan 20 Yanvar faciəsi əzmkarlığın, vətənpərvərliyin zəfər salnaməsidir.

GDU Həmkarlar İttifaqı Komitəsinin sədri Afaq Qasımova bildirib ki, doğma Vətəninin, xalqının azadlığını, şərəf və ləyaqətini hər şeydən uca tutan vətənpərvər Azərbaycan övladları düz 36 il əvvəl həmin gecədə canlarından keçərək şəhidlik zirvəsinə ucaldılar. Bu tarix Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olub.

Daha sonra Ümumi tarix kafedrasının dosenti Hüseyn Bəxtiyarlı “Sovet imperiyasının törətdiyi qanlı faciə”, Azərbaycan dili kafedrasının dosenti Aytən Əhmədova “Qan yaddaşımız 20 yanvar”, Rus dili kafedrasının dosenti Sevda Əliyeva “Qırmızı Ordunun törətdiyi Qara Yanvar”, Riyazi analiz kafedrasının baş müəllimi Nurəngiz Bəşirova “Qəhrəmanlıq və iftixar tariximiz”, Azərbaycan tarixi kafedrasının müəllimi Fərid Vəliyev “20 Yanvar və milli birlik” adlı məruzələrlə çıxış ediblər.

#ETİHİ #GDUHİK #AHİK #20YANVAR #ŞƏHİDLƏR

Gəncə Dövlət Universitetində 20 Yanvar şəhidlərinin əziz xatirəsinə həsr olunmuş sərgidə iştirak etdik. #ETİHİ #GDUHİK #AHİK #20YANVAR #ŞƏHİDLƏR

 Gəncə Dövlət Universitetində (GDU) 20 Yanvar faciəsi qurbanlarının xatirəsi anılıb.

Anım tədbirindən öncə Universitetin rektoru Yusif Yusibov və professor-müəllim heyəti 20 Yanvar faciəsinə həsr olunmuş rəsm əsərləri və kitablardan ibarət stendə baxış keçiriblər.

GDU Həmkarlar İttifaqı Komitəsi 31dekabr – Dünya Azərbaycanlılarının Həmrəyliyi Günü və Yeni il bayramı münasibəti ilə əməkdaşlarla görüş keçirib.

31dekabr – Dünya Azərbaycanlılarının Həmrəyliyi Günü və Yeni il bayramı münasibəti ilə Gəncə Dövlət Universiteti Həmkarlar İttifaqı Komitəsinin sədri Afaq Qasımova əməkdaşlarla görüş keçirib. Afaq Qasımova qarşıdan gələn bayramlar münasibəti ilə Universitetin rektoru Yusif Yusibovun və öz adından görüş iştirakçılarını təbrik edib, ən xoş arzularını çatdırıb.

Görüşdə Ali Baş Komandan Cənab İlham Əliyevin rəhbərliyi altında İkinci Qarabağ müharibəsində ordumuzun qazandığı şərəfli qələbədən, igidlərin qəhrəmanlığından, eləcə də ərazi bütövlüyümüz və suverenliyimizdən danışılıb. 44 günlük Vətən müharibəsində qazanılan qələbənin tariximizin şanlı səhifəsi olduğu diqqətə çatdırılıb. O da qeyd edilib ki, bu gün azad edilən torpaqlarımızda quqruculuq, abadlıq işləri gedir. Yurd-yuvalarından didərgin düşən soydaşlarımız ata-baba torpaqlarına qayıdırlar. Bütün bunlar isə Cənab Prezident İlham Əliyevin apardığı uğurlu və uzaq görən siyasət nəticəsində əldə olunur.

Sonda Universitetin Həmkarlar İttifaqı Komitəsinin xətti ilə əməkdaşlara 1000 ədəd bayram hədiyyəsi və teatr tamaşasına biletlər təqdim edilib.

QÜDRƏTLİ PREZİDENT, GÜCLÜ LİDER, MÜZƏFFƏR KOMANDAN

Gəncə Dövlət Universitetində “Vətənə, xalqa və dövlətçiliyə xidmət” adlı dəyirmi masa keçirilib.

Universitetin Humanitar məsələlər üzrə prorektoru Gülsüm Fətəliyeva Ulu Öndər Heydər Əliyevin xilaskarlıq missiyasından, dövlətimizin müstəqilliyi və inkişafı naminə həyata keçirdiyi tədbirlərdən, Azərbaycan Respublikasının Prezidenti İlham Əliyevin çoxşaxəli fəaliyyətindən danışıb. Prorektor bildirib ki, Azərbaycan dövləti güclü Lider, Prezident İlham Əliyevin rəhbərliyi altında gələcəyə, yüksəlişə və inkişafa doğru Ulu Öndər Heydər Əliyevin əsasını qoyduğu yolla inamla irəliləyir . Ölkəmiz bu gün tarixinin ən qüdrətli dövrünü yaşayır. Dünya artıq Azərbaycanı regionun lideri, qlobal layihələr həyata keçirən, islahatlar aparan, əməkdaşlığa və Avropanın enerji təhlükəsizliyinə əhəmiyyətli töhfələr verən etibarlı tərəfdaş kimi qəbul edir.

Rektorun baş müşaviri Asif Cavadov, GDU Azad Həmkarlar İttifaqı Komitəsinin sədri Afaq Qasımova çıxışlarında bildiriblər ki, Azərbaycan xalqı Qarabağ Zəfəri ilə tarixində yeni bir dövrə qədəm qoyub. Müzəffər Ali Baş Komandan 30 illik münaqişəyə son qoyub, uzun illər işğal altında qalan torpaqlarımızı əsl sahiblərinə qaytarıb. Amma biz təkcə müharibəni yox, sülhü də qazanmışıq.

Tədbirdə Botanika kafedrasının müdiri Vaqif Novruzov “Yenilməz sərkərdə, Müzəffər Ali Baş Komandan”, Ümumi tarix kafedrasının müdiri Etibar Musayev “Modern inkişaf, artan güc, yüksələn nüfuz”, Azərbaycan tarixi kafedrasının müdiri Gülarə Əliyeva “Strateji hədəflərə çatan dövlət başçısı”, Ümumi tarix kafedrasının dosenti Hüseyn Bəxtiyarlı “Tarix yaradan şəxsiyyət”, Sosial fənlər kafedrasının baş müəllimi Üzeyir Balakişiyev “Yeni tarix, yeni reallıqlar” adlı məruzələrlə çıxış ediblər.

GDU-da təşkil olunan Dövlət Əmək Müfəttişliyi xidmətinin tabeliyində Əməyin Mühafizəsi Mərkəzinin “Əməyin mühafizəsi” mövzusunda keçirdiyi təlimdə iştirak etdik.

Təlimdə giriş sözü ilə çıxış edən rektorun baş müşaviri A.Cavadov əməyin təhlükəsizliyi baxımından bu istiqamətdə keçirilən təlimlərin əhəmiyyətindən danışdı. Universitet HİK-nin sədri A.Qasımova çıxış edərək bildirdi ki,əməyin təhlükəsizliyi məsələsi birbaşa HİK-nin fəaliyyətinin əsas istiqamətlərindəndir. Beləki, əməyin təhlükəsizliyi mövzusu HİK ilə universitet rəhbərliyi arasında bağlanan Kollektiv Müqqavilədə də öz əksini tapmışdır. Təlim zamanı Dövlət Əmək Müfəttişliyi xidmətinin tabeliyində Əməyin Mühafizəsi Mərkəzinin böyük mütəxəssisi Səbuhi Tahirov əməyin təhlükəsizliyi mövzusu haqqında ətraflı məlumat verdi və mövzu ilə bağlı 8 slayd nümayiş etdirildi. Sonda təlim iştirakçılarının suallarını cavablandırdı.

Gəncə Dövlət Universitetində 12 Noyabr – Konstitusiya Gününə həsr olunmuş tədbirdə iştirak etdik.

Azərbaycan Respublikasının Dövlət Himninin səsləndirilməsi ilə başlayan tədbirdə Ulu Öndər Heydər Əliyevin və şəhidlərin əziz xatirəsi bir dəqiqəlik sükütla yad edilib.

12 Noyabr- Konstitusiya Gününə həsr olunmuş videoçarx nümayiş etdirilib.

Universitetin Humanitar məsələlər üzrə prorektoru Gülsüm Fətəliyeva 1995-ci ildə ümumxalq səsverməsi (referendum) yolu ilə qəbul edilən ilk milli Konstitusiyamızın tarixi əhəmiyyətindən danışıb. B

Dəyirmi masada Universitet AHİK-nin sədri Afaq Qasımova çıxış edərək Azərbaycan Respublikasının Prezidenti Cənab İlham Əliyevin rəhbərliyi ilə həyata keçirilən sistemli islahatlardan, Konstitusiyanın müddəalarına uyğun olaraq dövlət idarəçiliyinin təkmilləşdirilməsindən və vətəndaş rifahının yüksəldilməsindən bəhs edib.

Daha sonra Sosial fənlər kafedrasının müdiri Cavid Bağırzadə “Azərbaycanın Konstitusiyası və hüquq tarixi”, Ümumi tarix kafedrasının müdiri Etibar Musayev “Konstitusiya və Suverenlik İli – Azərbaycanın hüquqi və dövlətçilik inkişafı”, Sosial fənlər kafedrasının baş müəllimi Üzeyir Balakişiyev “Konstitusiya ali qanunumuzdur”, universitetin hüquq məsləhətçisi Günay Şirinova “Müasir dövlət idarəçiliyində Konstitusiyanın rolu”, ”Yüksəliş” qəzetinin müxbiri” Firəngiz İsmayılova “Konstitusiyamız dövlətçiliyimizin rəmzidir” adlı məruzə ilə çıxış ediblər. Qeyd olunub ki, Konstitusiyanın qəbulu müstəqillik tariximizin ən mühüm hadisələrindən biri olmaqla yanaşı, Ümummilli Lider Heydər Əliyevin Azərbaycan dövlətçiliyi qarşısındakı böyük xidmətlərindən biridir. Bu Konstitusiya müstəqil dövlət quruculuğu prosesini tənzimləyən, demokratik inkişafa təminat yaradan, cəmiyyətin siyasi, sosial, mədəni, iqtisadi sahələrində köklü dəyişiklikləri özündə ehtiva edən, qanunvericiliyin təkmilləşdirilməsində hüquqi baza rolunu oynayan mütərəqqi sənəddir.

Gəncə Dövlət Universitetində 8 Noyabr-Zəfər Bayramı münasibətilə təşkil olunan tədbirdə iştirak etdik.

Gəncə Dövlət Universitetində (GDU) 8 Noyabr - Zəfər Gününün 5-ci ildönümü münasibətilə “Qələbə bizimdir!” adlı tədbir keçirilib.Dövlət Himninin səsləndirilməsi ilə başlayan tədbirdə torpaqlarımızın azadlığı uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib.Rektor Yusif Yusibov 8 Noyabr - Zəfər Günü münasibətilə tədbir iştirakçılarını təbrik edib və Müzəffər Ali Baş Komandan, cənab İlham Əliyevin müdrik rəhbərliyi ilə şanlı Azərbaycan Ordusunun 44 günlük Vətən müharibəsində qazandığı tarixi Qələbədən, qəhrəman oğullarımızın döyüşlərdə göstərdiyi şücaətdən və xalqımızın həmrəyliyindən danışıb. Rektor bildirib ki, torpaqlarımızın düşmən işğalından azad edilməsi ilə nəticələnən 44 günlük Vətən müharibəsi tariximizin ən parlaq səhifəsinə, Azərbaycanın iftixar və qürur mənbəyinə çevrilib. Xalqımız və rəşadətli Ordumuz şanlı tarix yazaraq 44 gündə 30 illik işğala son qoydu, ərazi bütövlüyümüz bərpa olundu. Qarabağ Zəfəri Müzəffər Ali Baş Komandan İlham Əliyevin qüdrətli sərkərdəliyi, qəhrəman əsgər və zabitlərimizin, şəhidlərimizin qanı və canı bahasına qazanılıb. Rektor Yusif Yusibov onu da vurğulayıb ki, Gəncə Dövlət Universitetinin əməkdaşları və tələbələri də 44 günlük Vətən müharibəsinin ilk anlarından könüllü olaraq cəbhəyə gedib, torpaqlarımızın yağı düşməndən azad olunmasında fəallıqla iştirak ediblər. Onların sırasında şəhidlik zirvəsinə ucalanlar, eləcə də qazilər var.

Gəncə Şəhər İcra Hakimiyyətinin şöbə müdiri Yadigar Bədəlov çıxışında vurğulayıb ki, II Qarabağ müharibəsi dövründə Gəncə çətin günlər yaşasa da, raket atəşi nəticəsində mülki əhali arasında şəhidlər olsa da, şəhər sakinləri heç nədən qorxmadılar və həmrəylik nümayiş etdirərək Prezident İlham Əliyevin ətrafında sıx birləşdilər. Yadigar Bədəlov onu da bildirib ki, etnik və dini mənsubiyyətindən asılı olmayaraq ölkəmizin bütün vətəndaşlarının II Qarabağ müharibəsində həmrəyliyi haqlı olaraq “Dəmir yumruq” kimi səciyyələndirilir.

Tədbirdə çıxış edən YAP Gəncə şəhər təşkilatının sədri Bayram Aslanov bildirib ki, Ordumuz cəmi 44 gün ərzində ən müasir döyüş silahlarını tətbiq etməklə yüksək peşəkarlıq nümayiş etdirib. Ermənistan ordusunda on mindən çox əsgər fərarilik etdiyi halda, Azərbaycan Silahlı Qüvvələrində bir nəfər də fərari olmayıb. II Qarabağ müharibəsində Azərbaycanın döyüş təcrübəsi və taktikası bu gün dünyanın inkişaf etmiş ölkələrinin hərbi məktəblərində öyrənilir.

GDU-nun məzunu şəhid Rəşad Məmmədovun anası Rəfiqə Süleymanova, şəhid Səməndər İmanovun atası İsaxan İmanov, Vətən müharibəsi iştirakçısı İsmət Budaqov ölkəmizin şanlı tarixinə qəhrəmanlıq səhifələri yazan qorxmaz igidlərdən qürurla danışıblar.

Çıxış edənlər şəhid ailə üzvlərinə, müharibə iştirakçılarına, qazilərə göstərilən yüksək diqqət və qayğıya görə dövlət başçısına minnətdarlıqlarını bildiriblər. Həmçinin ali təhsil ocağında yüksəkixtisaslı kadr hazırlığı ilə yanaşı, gənclərin vətənpərvər ruhda yetişdirilməsinə önəm verən, daim qazi və şəhid ailələrinin yanında olan universitet rəhbərliyinə təşəkkür ediblər.

8 Noyabr - Zəfər Gününə həsr edilən tədbir Musiqi fənləri kafedrasının tələbələrinin vətənpərvərlik ruhunda hazırladığı musiqili, ədəbi-bədii proqramla davam edib.

GDU-nun məzun Şəhidlərinin ailə üzvləri ilə görüş keçirildi.

GDU-nun Ekologiya və təbiəti mühafizə kafedrasında 44 günlük Vətən Müharibəsində Şəhidlik zirvəsinə yüksəlmiş məzun Qəhrəmanlarımız Səməndər İsaxan oğlu İmanov və Elgün Fuad oğlu Xıdırovun adına verilmiş auditoriyalarda Şəhidlərimizin ailə üzvləri ilə müəllim və tələbə heyətinin görüşü keçirildi.

GDU HİK-nin təşkilatçılığı ilə 8 Noyabr – Zəfər Günü münasibətilə universitetin Vətən müharibəsi qazi və veteran əməkdaşları ilə görüş keçirildi.

Görüşdə I və II Qarabağ müharibəsi qazi və veteranları, millət vəkili P.Kərimzadə, rektorun baş müşaviri A.Cavadov və humanitar məsələlər üzrə prorektor G.Fətəliyeva iştirak etdilər.

Gəncə Dövlət Universitetinin 44 günlük Vətən müharibəsində iştirak etmiş əməkdaşlarından - Vətən müharibəsi qazisi Murad Rüstəmov və veteran İsmət Budaqovla görüşdük.

Gəncə Dövlət Universitetinin 44 günlük Vətən müharibəsində iştirak etmiş əməkdaşlarından - Vətən müharibəsi qazisi Murad Rüstəmov və veteran İsmət Budaqovla görüşdük. Qeyd edim ki, hər iki əməkdaşımız Azərbaycan Respublikasının Prezidenti Cənab İlham `Əliyevin sərəncamı ilə müvafiq medallarla təltif olunmuşlar.